‌ ‌ ئاگری چوارشه‌ممه‌سووری له‌ سه‌رده‌شت کرایه‌وه‌
ئه‌مڕۆ ئاخرین سێ‌شه‌ممه‌ی ره‌شه‌مه‌ رۆژی چوارشه‌ممه‌سوورێ له‌ شاری سه‌رده‌شت به‌ شادی و خۆشی خه‌ڵک ئاگریان کرده‌وه‌‌.خه‌ڵکی سه‌رده‌شت ئه‌م ساڵیش وه‌ک هه‌موو ساڵانی رابردوو له‌ سه‌ر کێو و بڵندایی‌یه‌کانی ده‌ورووبه‌ری شار و له‌ کۆڵان و شه‌قامه‌کاندا به‌ هه‌ڵکردنی ئاگری چوارشه‌ممه‌سوورێ ئه‌م رۆژه‌یان جێژن کرد.خه‌ڵکی سه‌رده‌شت ئه‌م ساڵ زیاتر له‌ ساڵانیرابردوو ئاگری چوارشه‌ممه‌سووری هه‌ڵ کرابوو به‌ شیوه‌یه‌ک که‌ ده‌گووترا له‌ ته‌واوی شاردا بۆ بۆنه‌ی ئه‌م رۆژه‌ ئاور کراوه‌ته‌وه‌.
خه‌ڵکی سه‌رده‌شت به‌ زۆری له‌ شه‌قامی که‌مه‌ربه‌ندی کۆ ببوونه‌وه‌ و به‌ ته‌قاندنی ته‌ره‌قه‌ و ئاوردانی دار و (به‌داخه‌وه‌) تگه‌ر و لاستیک له‌ شادی و خۆشی ئه‌م رۆژه‌دا به‌شدار بوون.شادی و جێژنی ئه‌مڕۆ تا دوای شێوان درێژه‌ی هه‌بوو.