بەڵام بەداخەوه دوای ئەوەی كه دەستفرۆشەكان راگوێزران و زۆربەی زۆری دووكاندارەكانیش خۆیان لەگەڵ شارەوانی شار رێكخست و رێگەیان ئاوەڵه كرد، دووباره ئەو گرفته سەری هەڵداوەتەوە و له سەر ئەو شەقامه پڕ هاتووچۆیه بۆته كۆسپێكی زۆر گەوره بۆ دانیشتوانی ئەم شاره،بەڵام ئەمجاره رێگرییەكه له لایەن ئەو دووكاندارانەیه كه میوه و سەبزی فرۆشن و به دانانی سندووق و میوەیەكی زۆر له (پیادەرو)دا بوونه هۆی نارەزایەتی خەڵك،جا لە گەڵ ئەوانەش چەند دووكانداری دیكە به دانانی كارتۆنی بەتاڵ و شتانێكی رێگر، نایان هەوێت لەگەڵ یاسای شارستانیەتی و ئاسانكاری بۆ دانیشتوانی شارەكەمان خۆ رێكخەن و حورمەتی خۆیان و جیرانەكانیان بپارێزن،بەڵكوو پێیانوایه (پیادەرو)یش هەر مڵكی دووكانەكەیانه و دەبێ تەنیا خۆیان وەك ناو دووكانەكانیان كەڵكی لێوەرگرن،هەركەسیش بیهەوی بێته بازار و پێداویستیەكانی بكڕێ دەبێ زۆر وشیار بێت كه خۆ له میوەكەیان نەدات و نەیانكەوێنێت دەنا.....

ئەو دووكاندارانه و رێگریان له سەر شەقامی ئیمام كه بازاری سەرەكی شارە،زۆر جار دەبێته هۆی بێحورمەتی كردنێكی زۆر به خەڵكی شار و جارجاریش شەڕ و هەڵڵاشی لێ دەكەوێتەوه....

بەڵام بۆ دوای چەند كارێك كه شارەوانی سەردەشت له سەر ئەو شەقامەدا ئەنجامی دا و زۆربەی زۆری دەستفرۆشەكانیشی لابرد دیسان هێندێك دووكاندار دەبنه هۆی رێگری و كۆسپنانەوە له سەر هاتووجۆی خەڵكی سەردەشت؟

بڵێی ئەوانه بۆ خۆیان رێز بۆ یاسای شارستانیەتی دابنێن و چی دی درێژه بەو كاره ناحەزانه نەدەن؟ یان ئەوەی كه شارەوانی شار دەبێ به شێوەیەكی دی و تووندوتیژانەتر له گەڵ وان هەڵسووكەوت بكات؟