هه‌ڵبه‌ت دوێنێش به‌شێکی که‌م له‌ خه‌ڵکی ده‌ورووبه‌ری شار و ناو شار جێژنیان کردبوو.له‌م رۆژه‌شدا وه‌ک چه‌ند ساڵ و جێژنه‌کانی رابردوو دابڕانی موسوڵمانان له‌ یه‌ک، له‌ لایه‌ن مفتی‌زاده‌کانه‌وه‌ پێشه‌نگی ده‌کرا. باش یا خراپ ئه‌وه‌ بۆته‌ خۆره‌یه‌ک له‌ جه‌سته‌ی کۆمه‌ڵگای ئیسلامی‌ ئێمه‌دا که‌ نه‌زانی و مه‌سڵه‌حه‌ت پارێزی رووی راسته‌قینه‌ی دیین و ئایینی رووشاندووه‌ و به‌ره‌و هه‌ڵدێرێکی مه‌ترسی داری ده‌بات.به‌گشتی زۆربه‌ی هه‌ره‌زۆری خه‌ڵک له‌م دووکاندارییه‌ ماندوو بوون و تێگه‌یشتوون که‌ ئه‌وانه‌ بۆ بازاڕگه‌رمی خۆیان ئاوا سه‌ر له‌ خه‌ڵک ده‌شێوێنن.

ساڵی رابردوو هه‌ر له‌ جێژنی قورباندا بوو که له‌ شاری بانه‌ رۆژی جێژن رۆژێک زووتر راگه‌یێندرا و ئیمام جومعه‌ی سه‌رده‌شت مامۆستا مه‌لا سه‌لام ئه‌مینی به‌ هۆی ئه‌م ته‌فره‌قه‌ و دووبه‌ره‌کییه‌ی به‌شێک له‌ مه‌لاکانی بانه‌،له‌ نوێژی جومعه‌دا ‌وتی شاری بانه‌ ته‌نیا دوو مه‌لای مه‌لای تێدایه‌ که‌ ئه‌وانیش هێشتا بۆ به‌جێگه‌یاندنی ئه‌مری خوا واته‌ حه‌ج له‌ وڵاتی عه‌ڕه‌بستانن و باقی مه‌لاکان له‌م هه‌له‌ که‌ڵکیان وه‌رگرتووه‌ و جێژنیان رۆژێک زووتر راگه‌یاندووه‌،مامۆستا ئه‌م تاقمه‌ مه‌لایه‌ی به‌ شتێک شوبهاند که‌ نایلۆنێکیان لێ ده‌رنایه‌ت و به‌م شوبهاندنه‌ رایگه‌یاند که‌ زانایی و تێگه‌یشووی ئه‌م مه‌لایانه‌ چه‌ند نزم و بێکه‌ڵکه‌.به‌ڵام ده‌بێ ئه‌مساڵ مامۆستا له‌ حاست ئه‌م مه‌لایانه‌ی سه‌رده‌شت که‌ دوێنی جێژنیان راگه‌یاندووه‌ چ ته‌شبیهێک بێنێته‌وه‌ و ده‌بێ زانیاری ئه‌م به‌شه‌ له‌ مه‌لاکانی خۆمان چه‌نده‌ی تووره‌که نایلۆنێکیان لێ پڕ بیت،ده‌بێ ئه‌م ناته‌بایی و دووبه‌ره‌کی‌یه‌ سه‌رنجی مامۆستای بۆ لای خۆ راکێشابێ؟ له‌ حاڵێکدا که‌ رۆژی سێ‌شه‌ممه‌ی رابردوو ماموستایانی سه‌رده‌شت له‌ سه‌ر ئه‌م بابه‌ته‌ قسه‌شیان کردبوو. ده‌بێ مامۆستا ته‌نیا له‌ مه‌لاکانی بانه‌ ره‌خنه‌ بگرێ یا ئه‌مساڵ کرده‌وه‌ی مه‌لاکانی خۆمانیش ببینێ و بۆ ئه‌م بیر و باوه‌ڕانه‌یان قسه‌یه‌کی هه‌بێ تا له‌وه‌ زیاتر سه‌ر له‌ خه‌ڵک نه‌شێوێنن؟ تۆ بڵێی تووره‌که‌ نایلۆنێک زۆر نه‌بی بۆ زانیاری ئه‌م زانایانه‌؟!