له‌ وڵاتانی ئیسلامیدا،باشترین رێگه‌ی گه‌یشتن به‌ ئاواتی ده‌سه‌ڵات هه‌ڵگرتنی ئاڵای به‌ ناو ئیسلامه‌.یا ئه‌وه‌ی که‌ خۆت به‌ یار و هاوده‌نگی ئیسلامیه‌کان بناسێنی.هه‌ر یه‌ک له‌م تاقمه‌ ئیسلامیانه‌ی ئه‌مڕۆ،‌ ته‌نیا خۆیان به‌ ئاڵاهه‌ڵگری راسته‌قینه‌ی ئیسلام ده‌ژمێرن. له‌حاڵێکدا که‌ ته‌نیا بۆ گه‌یشتن به‌ زاڵ بوون به‌سه‌ر موسوڵمانان و کانگاکانی وڵاتانی ئیسلامی‌دا ئه‌م شیعاره‌ ده‌ده‌ن.

کاتێک تاقمێکی به‌ ناو ئیسلام و به‌ به‌رنامه‌ و په‌یڕه‌وی ئیسلامی‌یه‌وه لایه‌نگری له‌ فره‌دینی و فره‌حیزبی له‌ وڵاتانی ئیسلامی‌دا ده‌کات،کاتێک حیزبێکی ئیسلامی ده‌وڵه‌تێکی به‌یه‌که‌وه‌ له‌گه‌ڵ فاشیسته‌کانی لایک پێک دێنێ،کاتێک سه‌رۆک حیزبێکی به‌ ناو ئیسلامی په‌نا ده‌باته‌ به‌ر نه‌ساڕا و له‌ببه‌یکی بانگهێشته‌که‌ی ده‌کات،کاتێک بۆ رازی کردنی وڵاتانی نائیسلامی و بۆ خۆ رێکخستن له‌گه‌ڵ کۆمه‌ڵگای مۆدێڕن،بیری ئیسلامی مۆدێرن و سه‌رده‌میانه‌ ساز ده‌که‌ن و له‌نێو موسوڵماناندا په‌ره‌ی پێ ده‌ده‌ن، جگه‌ له‌ سه‌رلێشێواندنی موسوڵمانان و چه‌واشه‌کاری و سووکایه‌تی به‌ ئیسلام چ ناوێکی بۆ دیاری ده‌کرێت‌؟

به‌ڵام ئه‌گه‌ر هاتوو حیزبێکی به‌ به‌رنامه‌ و پرۆگرامێکی سوسیالیزمی و دێموکڕاتیکه‌وه‌ بانگه‌شه‌ی به‌ ئیسلام بوونی کرد و یه‌کێتی زانایانی پێک هێنا و له‌ ئایین و ئیسلام دوانی دا و هه‌ر وه‌ک حیزبه‌ (سیاسی _ ئیسلامی)یه‌کان مامه‌ڵه‌ی له‌ سه‌ر ئیسلام کرد، جگه‌ له‌وه‌ی که‌ به‌ ریشی موسوڵمانان پێکه‌نینێ و چه‌واشه‌کاری به‌ ناو ئیسلامه‌وه‌ کردبێ چ به‌رداشتێکی باشتر له‌وه‌یان لێ ده‌کرێت؟

ئایا ئه‌وانه‌ی به‌ ناو ئیسلامه‌وه‌ ئیسلام سووک ده‌که‌ن چ جیاوازی‌یه‌کیان هه‌یه‌ له‌گه‌ڵ ئه‌وانه‌ی بۆ سووک کردنی ئیسلام شیعاری ئیسلام ده‌ده‌ن؟