پێش‌نیوه‌ڕۆ کاتێک بۆ ئه‌وه‌ی پووڵی فیشی ئاو،به‌رق،ته‌له‌فۆن،گاز و ته‌له‌فۆن ده‌ستی (موبایل)م دابێ چوومه‌ بانکێکی ناو شار و له‌ سه‌ف‌دا راوه‌ستام تا نۆبه‌م بگاتێ.کارمه‌ندی بانکه‌که‌ هه‌ر که‌ چاوی به‌ فیشه‌کان که‌وت وتی ئه‌وه‌ هی کێن گه‌ڵیانگرێته‌وه‌ وه‌ریان ناگرین!! منیش به‌ سه‌رسووڕمانه‌وه‌ پرسیم بۆ وه‌ریان ناگرن؟ ئه‌ویش وتی تا سه‌عات 11 وه‌ریان ده‌گرین.پرسیم بۆ خۆ له‌ هه‌موو بانکه‌کان تا سه‌عاتی 12 مۆڵه‌ت دراوه‌ چۆنه‌ لێره‌ سه‌عاتێک زووتر حیسابه‌کان ده‌به‌سترێن؟ به‌ڵام که‌س جوابی نه‌دامه‌وه‌. منیش کاره‌کانی دیکه‌م ته‌واو کردن و له‌و کاته‌دا ره‌ئیسی بانکه‌که‌ هاته‌ پێش و منیش وه‌ک پێشنیار وتم به‌ڕێز پێشنیارێکم هه‌یه ئه‌گه‌ر بکرێ ئێوه‌ش وه‌ک باقی بانکه‌کان تا سه‌عات 12 مۆڵه‌ت بده‌ن بۆ وه‌رگرتنی فیشی ئاو و به‌رق و ... .به‌ڵام به‌رپرسه‌که‌ زۆر له‌سه‌ره‌خۆ وه‌ڵامی دامه‌وه‌ که‌ کارمان زۆره‌ و ناتوانین ئه‌گه‌ر گله‌ییت هه‌یه‌ ‌ده‌توانی له‌ فه‌رمانداری شار شکایه‌ت بکه‌ی!!؟ دوای چه‌ند قسه‌یه‌ک له‌ به‌ینماندا ره‌ئیسه‌که‌ وتی کاکه‌ ئه‌گه‌ر _ فڵان‌که‌س و فڵانه‌که‌سیش_ پێم بڵێ وه‌ریان ناگرم. منیش به‌م هیوایه‌ که‌ لێپرسینه‌وه‌که‌م بۆی هه‌بێ، ته‌له‌فۆنم کرد بۆ بانکی مه‌رکه‌زی له‌ ورمێ و شته‌که‌م ته‌واو بۆ به‌رپرسی پێوه‌ندیدار گێڕایه‌وه‌ ئه‌ویش وتی ئه‌و کاره‌ زۆر بێ‌جێیه و ده‌بێ تا سه‌عاتی 12ی پێش نیوه‌ڕۆ هه‌رچی فیشه‌ وه‌ریگرن. منیش ته‌له‌فۆنه‌که‌م دا به‌ ده‌ستی ره‌ئیسی بانکه‌که‌ی سه‌رده‌شت تا خۆی قسه‌ی له‌گه‌ڵ‌دا بکات. دوای چه‌ند چرکه‌یه‌ک ره‌ئیسه‌که‌ی بانکی سه‌رده‌شت ته‌له‌فۆنه‌که‌ی داخست و سووک فیشه‌کانی لێ وه‌رگرتم و پشتیانی مۆر و ئیمزا کرد و منیش پووڵه‌که‌م دایه‌ و ده‌ست خۆشیم لێ کرد به‌ڵام نه‌ ره‌ئیسه‌که‌ و نه‌ کارمه‌نده‌که‌ی هیچ وه‌ڵامیکیان نه‌دامه‌وه‌ و منیش کاره‌که‌م به‌ ته‌له‌فۆنێک و ره‌نگبێ تووڕه‌بۆنێکی به‌رپرسی ورمی له‌مانه‌ جێ‌به‌جێ بوو و هاتمه‌ ده‌رێ. به‌ڵام نازانم ئه‌گه‌ر رۆژێک دووباره‌ کارم بگاته‌وه‌ ئه‌م بانکه‌ چۆن ده‌رباز ده‌بم خوا وه‌فریام که‌وێ.