مونشی‌یه‌که‌ ناسیاو بوو و منیش وه‌ک (کنجکاوی) چومه‌ لای مونشیه‌که‌ و له‌ بوونی پیاوه‌کان له‌م مه‌ته‌بی ژنانه‌دا پرسیارم لێ کرد ئه‌ویش وه‌ڵامی دامه‌وه‌ که‌ پیاوێک و جارجاریش دو پیاو هاوڕێی ژن و خێزانه‌کانیان ده‌که‌ن بۆ لای دوکتوور و ئاوا چاوه‌ڕوان له‌ سه‌ر رێڕه‌وه‌که‌ راده‌وه‌ستن تا خێزانه‌کانیان ته‌واو ده‌بێت.لێم پرسی ئه‌گه‌ر پیاوه‌کان ژنه‌ نه‌خۆشه‌کانیان لێره‌ جێ بێڵن تا ئه‌وان و باقی ژنه‌کان ئاسووده‌تر چاوه‌ڕێی چوونه‌ژووری لای دوکتووره‌که‌ بن باشتر نییه‌؟ ئه‌ویش به‌ بزه‌وه‌ وه‌ڵامی دامه‌وه‌ وه‌ڵڵا واهه‌بووه‌ ژنی دووگیان و زۆر هیلاک به‌ پێوه‌ راوه‌ستاوه‌ و به‌ناو پیاوێکی سمێڵ‌زل که‌ ملی به‌ نۆ بیوران نه‌ده‌بڕاوه‌ دانیشتووه‌ و که‌ پێشمان وتووه‌ هه‌سته‌ با ئه‌و ژنه‌ دابنیشێ پێی وتووین بۆ به‌من ده‌ڵێی با که‌سێکی دیکه‌ هه‌ستێ. هه‌ر باش بووه‌ که‌ لێشی نه‌داوم.یه‌ک نه‌خۆش و چه‌ند که‌س هاوڕێی هه‌یه‌ بۆیه‌ پیاوه‌کان زیاترن له‌ ژنه‌کان.لێم پرسی باشه‌ که‌س ناڕه‌زایه‌تی ده‌رنابڕێ ئاخر ژنی دووگیان له‌م شوێنه‌دا بڕێک شه‌رم ده‌کات له‌ بوونی ئه‌م پیاوانه.ئه‌ویش پێی وتم ئه‌وانه‌ بۆخۆیان هه‌ر یه‌که‌ی چه‌ند که‌سی له‌گه‌ڵه‌ بۆ له‌ کاری خۆیان ناڕازی ده‌بن هه‌ر چه‌ند هه‌شن ئه‌و سه‌رده‌شتیانه‌ی که‌ ره‌خنه‌ ده‌گرن به‌ڵام خۆناکرێ هه‌موو رۆژی شه‌ڕیان له‌گه‌ڵ بکه‌ین کابرا ده‌ڵی ژنه‌که‌م به‌ ته‌نیا به‌جێ ناهێڵم.

به‌ڵی مونشی‌یه‌که‌ش راست ده‌کات ئه‌وی ناڕازییه‌ ده‌بێ چی بکات شارێک و ده‌یان لادێ و ته‌نیا دوکتوورێکه‌. پێی ده‌ڵێی!!؟؟ به‌کێ ده‌ڵێی پیاوه‌ و ژنه‌که‌ی جێ ناهێڵێ!!؟؟